Home

Wëllkomm op der Websäit vum Sven Clement, President vun der Piratepartei an Deputéierte fir den Zentrumsbezierk.

Iwwert de Sven

De Sven ass e Beggener Jong vum Joergang 1989. No der Primärschoul am Quartier huet hien seng Schoulcarrière am Lycée Aline Mayrisch absolvéiert, éiert hien zu Saarbrécke Wirtschaftsinformatik studéiert huet.

Am Oktober 2009 war hien ee vu 14 Grënnungsmembere vun der Piratepartei well en sech vu kenger anerer Partei representéiert gefillt huet. 2013 hat hien du méi perséinlech Stëmme wéi verschidden Deputéiert, eppes wat 2017 och bei de Gemengewalen nees de Fall war.

Am Juni 2014, no den Europawalen huet de Sven seng eege Firma gegrënnt an esou genee erlieft wéi et ass Aarbechtsplazen ze schafen a Responsabilitéit fir anerer z’iwwerhuelen.

Haut ass de Sven, zesumme mam Jerry Weyer, Gerant vun 3 Firmen an huet iwwert d’Joren eng Dosen Aarbechtsplaze geschafen.

Um private Plang ass de Sven zanter dem 15. Juni 2017 mam Christine bestuet, dat en zënter dem Lycée kennt.

Nieft der Politik, dem Entreprenariat an der Famill verbréngt de Sven nach ëmmer Zäit um Volleyballterrain, als Spiller vum VC Belair an als Arbitter.

De Sven setzt sech an fir e modernt a fairt Lëtzebuerg fir jiddereen, mir dierfe keen vergiessen!

Blog

Open Data beim STATEC? Et ass nach e wäite Wee

Dem Institut National de la statistique et des études économiques (STATEC) seng Missioun besteet, wéi et am Gesetz vum 10 Juli 2011 festgehale gouf, an der Constitutioun vun engem statisteschen Informatiounssystem, dee fir d’Ëffentlechkeet zougänglech soll sinn. Wärend d’Resultater vun den Etüden och tatsächlech reegelméisseg vum STATEC publizéiert ginn, bleiwen déi erhuewene Mikrodaten allerdéngs fir …

Wou kommen d’Daten hir a wat kascht et? Meng Fro zu de Bréiwer vum Steierbüro am Sport

Verschidde Steierbüroen am Land hunn an de leschten Deeg e Bréif u verschidde Sportler verschéckt fir dës opzefuerderen hir Steiererklärunge vun 2013 bis 2017 ze verbesseren an ëm d’Akommes aus dem Sport z’ergänzen. An deem Zesummenhang wéilt ech den Häre Sportminister a Finanzminister dës Froe stellen: Wéi vill Bréiwer sinn an dëser Aktioun u wéi …

Copyright-Direktiv, Lëtzebuerg muss Faarw bekennen!

Här President, Sou wéi den Artikel 84 vun eisem Chambersreglement et virgesäit, bieden ech Iech, dës parlamentaresch Fro d’urgence un den Här Wirtschaftsminister Etienne Schneider weiderzeleeden. Virun zwee Joer hunn d’europäescht Parlament an de Rot eng Propositioun fir eng Direktiv iwwert Droit d’Auteuren am digitale Bannemaart virgeluecht, déi säit dësem Zäitpunkt oft am Zentrum vun …